ფრანგულ კომპანიას თბილისის გენგეგმა არ მოსწონს
14.11.2017

თბილისის მერიამ თბილისის მიწათსარგებლობის გენერალური გეგმის საბოლოო დოკუმენტის შესაფასების პროცესში დახმარების თხოვნით ,,აზიის განვითარების ბანკს'' მიმართა, რომელმაც გენგეგმის შეფასების განსახორცილებლად ფრანგული კომპანია დაიქირავა. ფრანგი სპეციალისტები რამდენიმე მიმართულებით გამოთქვავენ შენიშვნებს და დედაქალაქის მთავრობას რეკომენდაციებს აძლევენ.

ფრანგი მკვლევარი აღნიშნავს, რომ გენერალურ გეგმაში მოცემულია სხვდასხვა პოზიცია რკინიგზის ცენტრალურ სადგურთან მიმართებაში, რაც არ არის ნათლად ჩამოყალიბებული და გამყარებული შესაბამისი ძირეული კვლევებით. ექსპერტის თქმით, სადგური გადამწყვეტ როლს თამაშობს ქალაქისთვის, განსაკუთრებით იმ ფაქტორის გათვალისწინებით, რომ რკინიგზის სადგური მეტროს ორ ხაზს უკავშირდება.

„სარკინიგზო ხაზის გასწვრივ ქალაქის ცენტრის გადამკვეთი ახალი მაგისტრალის მშენებლობის საკითხი უნდა მოიხსნას დღის წესრიგიდან. ეს ქალაქის მართვის ძველი სტილია. მსხვილ ქალაქებში, როგორიცაა პარიზი, ბოსტონი, პორტლენდი, სეული, მონრეალი და სხვ. საავტომობილო მაგისტრალებს ურბანულ ბულვარებად გარდაქმნიან; ამას რამდენიმე მიზეზი აქვს: ოპერირების ხარჯების შემცირება, ცხოვრების მაღალი ხარისხი, ქალაქის მობილობის მოდელში მანქანის წილის შემცირება. ორი არსებული საავტომობილო მაგისტრალი უკეთესად აუნდა იყოს ინტეგრირებული ქალაქში, ქალაქის ცენტრისკენ ყოველგვარი გაფართოების გარეშე''- ამბობს დაქირავებული ექსპერტი. 

თბილისის განვითარების გენერალური გეგმის პროექტი, რომელიც 2030 წლამდეა გაწერილი, მერიას 18 ივნისს ჩაჰბარდა, მისი შემქმნელების თქმით, ეს დოკუმენტის სამუშაო ვერსიაა და მნიშვნელოვანია პროცესში მოქალაქეთა ჩართვა. თბილისის ახალარჩეული მერი კი ამბობს, რომ უკვე დასრულებულ გენგეგმას თავიდან შეისწავლის.



კომენტარები


სხვა სიახლეები
18.11.2017
ამის შესახებ უკრაინის უშიშროების სამსახური იუწყება
18.11.2017
ახლად დამტკიცებული საქალაქო სამსახურის ხელმძღვანელები და გამგებლები თბილისის მერთან ერთად მუშაობას ორშაბათიდან დაიწყებენ
შაბ, 18 ნოემბერი 2017
14:18