განათლების მინისტრი ამ ეტაპზე შემცირებებს არ გეგმავს
14.11.2017

"განათლების სამინისტროში ამ ეტაპზე შემცირება არ იგეგმება," - ამის შესახებ განათლების მინისტრმა დღეს პარლამენტის განათლების კომიტეტის თავმჯდომარესთან შეხვედრის შემდეგ განაცხადა. 
"ამ ეტაპზე შემცირებები არ იგეგმება, მაგრამ განვიხილავთ ყველა დეტალს და კვირის ბოლოს გეცოდინება", - განაცხადა მიხეილ ჩხენკელმა.

ჟურნალისტები დაინტერესდნენ შეცვლის თუ არა მინისტრი მოადგილეებს. "ძალიან მალე ამის შესახებაც გეცოდინებათ", - აღნიშნა ჩხენკელმა. მისივე თქმით, სპორტისა და ახალგაზრდობის სამინისტროდან ახალგაზრდობის დეპარტამენტი სრულად გადადის განათლების სამინისტროში, თუმცა სრული შერწყმა და ინტეგრაცია როგორ მოხდება, ამას ჯერჯერობით ვერ აკონკრეტებს. 

"დეპარტამენტი გადმოვა ჩვენ სამინისტროში, ასევე ორი სიპ-ი, რომელიც სამინისტროში იყო. როგორი იქნება ორგანიზაციული სტრუქტურა, როგორ შეერწყმება ეს მიმართულება განათლების სამინისტროს, ამის შესახებ უახლოეს მომავალში გეტყვით", - განაცხადა მინისტრმა.



კომენტარები


სხვა სიახლეები
18.11.2017
ახლად დამტკიცებული საქალაქო სამსახურის ხელმძღვანელები და გამგებლები თბილისის მერთან ერთად მუშაობას ორშაბათიდან დაიწყებენ
შაბ, 18 ნოემბერი 2017
14:18