განათლებისა და მეცნიერების მინისტრის მიხეილ ჩხენეკლის ბრძანებით 19 ოქტომბერს ცვლილება შევიდა, ერთიანი ეროვნული გამოცდების ჩატარების დებულებისა და სახელმწიფო სასწავლო გრანტის განაწილების წესში.

ბრძანების მიხედვით, საგანმანათლებლო დაწესებულება ვალდებულია, 2021 წლის 22 ოქტომბრის ჩათვლით პერიოდში, განათლების მართვის საინფორმაციო სისტემას წარუდგინოს იმ პროგრამების სავარაუდო ჩამონათვალი, რომელზეც გამოაცხადებს მომდევნო სასწავლო წლისათვის მიღებას, ჩასაბარებელი საგნების მითითებით.

განათლების მართვის საინფორმაციო სისტემა ამოწმებს დაწესებულების მიერ წარდგენილი ინფორმაციის სისწორეს და გადამოწმების შემდეგ, მაგრამ არაუგვიანეს 2021 წლის პირველი ნოემბრისა, დამოწმებულ ინფორმაციას აგზავნის ცენტრში. ცენტრი განათლების მართვის საინფორმაციო სისტემის მიერ მიწოდებულ ინფორმაციას, არაუგვიანეს 2021 წლის 5 ნოემბრისა, განათავსებს ცენტრის ოფიციალურ ვებგვერდზე.

იხილეთ: 2022 წლის ეროვნულ გამოცდებზე ჩასაბარებელი საგნების არჩევანი გაიზარდა