მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
ვიეტნამში, ონლაინ გაკვეთილის დროს, მობილური ტელეფონის აფეთქების შედეგად სკოლის მოსწავლე გარდაიცვალა.
გარდაცვლილი ბიჭი 11 წლის იყო.
როგორც ადგილობრივი მედიის მიერ გავრცელებულ ინფორმაციაში წერია, ონალინ გაკვეთილის მიმდინარეობისას ბიჭი ტელეფონს ტენიდა. რა დროსაც მობილური აფეთქდა და მას ალი მოედო. მოსწავლე საავადმყოფოში გადაიყვანეს, თუმცა მიღებული დაზიანებების გამო, გარდაიცვალა.
აღნიშნულ ფაქტს, ადგილობრივი სამართალდამცველები იძიებენ. ჯერჯერობით, უცნობია, თუ რა ტიპის მობილური ან დამტენი ჰქონდა გარდაცვლილ მოსწავლეს.
ცნობისთვის, მის რაიონში ბავშვები სასწავლო დაწესებულებებს 3 კვირის წინ დაუბრუნდნენ, თუმცა კოვიდ-19-ის გავრცელების პრევენციის მიზნით, სასწავლო პროცესი კვირაში ერთხელ კვლავ ვირტუალურად მიმდინარეობს.