სიახლეები
პიროვნება

„მოსწავლეს სურს, რომ მისი მასწავლებელი ჰგავდეს ერთგულ მშობელს“- სერგო ხოზრევანიძე, სალიბაურის N2 საჯარო სკოლის დირექტორი
27-10-2021
-
+


რა სურს მოსწავლეს, რას ნიშნავს მისთვის პასუხისმგებლობა, რას ისურვებდა 10 წლის შემდეგ, ამ და სხვა საინტერესო საკითხებთან დაკავშირებით, მოსაზრებას ხელვაჩაურის მუნიციპალიტეტის სოფელ სალიბაურის N2 საჯარო სკოლის დირექტორი სერგო ხოზრევანიძე გვიზიარებს.

- სკოლაში იგრძნობა...

- ურთიერთპატივისცემისა და თანადგომის ატმოსფერო.  ჩვენი სკოლის გუნდი აკეთებს საერთო საქმეს დიდი პასუხისმგებლობით,  პროფესიონალიზმითა და შედეგზე ორიენტირებული შრომით.

- მოსწავლეს სურს....

- სითბო, სიყვარული და თანაგრძნობა როგორც მასწავალებლებისაგან, ასევე თანატოლების მხრიდან. აქტიურად ჩაერთოს საკლასო და სასკოლო ღონისძიებებში. სწავლა მიიღოს ხალისით, თამაშით. მოსწავლეს სურს, რომ მისი მასწავლებელი ჰგავდეს ერთგულ მშობელს, რათა საბოლოოდ ირწმუნოს მისი და ყველა საჭირო ქცევა გონივრულად შეუთანხმოს მას. როცა მასწავლებელი წრფელი გულით ემსახურება საყვარელ საქმეს, მაშინ მისთვის დაღლაც კი დასვენებაა, რასაც კარგად ამჩნევს ბავშვი და მადლიერი მოსწავლის შესაძლებლობების ზღვარი დღითი-დღე ფართოვდება და სასურველ შედეგს აღწევს.

- კოვიდ-სიტუაციაში ყველაზე რთულია....

- ხარისხიანი განათლების მიღება. შიში, გაუცხოება, არასრულფასოვანი საკლასო აქტივობები, დისტანცია დამრთგუნველია, აკნინებს ბავშვურ უზრუნველობას. თითქოს პირბადე უშლის როგორც მოსწავლეს, ისე მასწავლებელს ჩართულობაში ხელს, თუმცა მისი  საჭიროება პირველკლასელსაც გააზრებული აქვს. კოვიდ-სიტუაცია გამოწვევაა განათლების სფეროსთვის. ახალი რეგულაციების პირობებში სასიცოცხლოდ მნიშვნელოვანია მშობლის, მოსწავლისა და მასწავლებლის ერთიანობა. კოვიდ-სიტუაციაში ყველაზე რთულია ამ უჩვეულო ვითარებასთან მოსწავლეების შეგუება. ფაქტების ცოდნა უნდა დაგვეხმაროს როგორც საკუთარი თავის, ასევე მოსწავლეების დაცვაში. კორონავირუსის შესახებ ინფორმაციის მიწოდებისას უნდა გამოვიყენოთ სანდო წყარო, როგორიცაა გაეროს ბავშვთა ფონდი და ჯანმრთელობის მსოფლიო ორგანიზაცია. რეკომენდაიების დაცვით ჩვენ შეგვიძლია დავიცვათ როგორც საკუთარი,  ასევე გარშემომყოფთა კეთილდღეობა.

- პასუხისმგებლობა ნიშნავს..

- გაუფრთხილდე არა მარტო საკუთარ, არამედ სხვის ჯანმრთელობასაც. გააცნობიერო მოქალაქეობრივი ვალდებულებები. პასუხისმგებლობას შესაბამისი უნარ-ჩვევები უნდა ახლდეს თან, რომ შედეგი გქონდეს. პასუხისმგებლობაა  საკუთარი პროფესიის მუდმივი განვითარება, დაუღალავი შრომა, სიახლეებისადმი მზადყოფნა. მთავარი და უმთავრესი საყრდენი მაინც ბავშვებისა და საქმის სიყვარულია და სურვილი, მუდამ იზრუნო სხვა ადამიანებზე.

- 10 წლის შემდეგ ვისურვებდი..

- ღია ურთიერთობებს დისტანციისა და ჩარჩოების გარეშე. უსაფრთხო, გაერთიანებულ, გაძლიერებულ და სტაბილურ ქვეყანაში  ცხოვრებას.

- პედაგოგებს სჭირდებათ....

- ჯანსაღი სასწავლო პროცესი. საკუთარი იდეების რეალიზება. პროექტების, კვლევების, კონკურსების უსაფრთხოდ მომზადება- ჩატარება, ინტელექტისა და შესაძლებლობების წარმოჩენა, პროფესიული ზრდისათვის  აუცილებელი აქტივობების გაკეთება.

- სასკოლო საგნებს დავამატებდი...

- კონსულტაციებს პროფესიის არჩევაში, დამხმარე დისციპლინას, რომელიც დაეხმარება მოსწავლეს საბაზო საფეხურის დასრულების შემდეგ, გააცნობიეროს, პროფესიულ სწავლებაში ჩაერთოს, თუ სამი წლის სწავლა აირჩიოს და უმაღლესში გააგრძელოს სწავლა.

კომენტარები


ეტალონი
„ეტალონში“ მიღწეული წარმატება მოსწავლეებისა და სრულიად სასკოლო საზოგადოებისთვის მნიშვნელოვანი მოვლენაა“
საპრიზო ადგილის მფლობელი მოსწავლეები, რესურსცენტრების ხელმძღვანელები, სკოლების დირექტორები და პედაგოგები კონკურსის ემოციების შესახებ საუბრობენ
სიახლეები
მასწავლებლის მომზადების პროგრამაზე ჩარიცხულ 1422 პირს სახელმწიფო სასწავლო გრანტი მიენიჭება
„ძალიან დიდ ყურადღებას ვაქცევთ სხვადასხვა მნიშვნელოვან საკითხთან დაკავშირებით მოსწავლეთა ცნობიერების ამაღლებას“
რეგისტრაცია დაიწყო და 100 ლარი ღირს - NAEC ტესტირებას 10 აპრილს ჩაატარებს
გამარჯვებულები სიგელებით, დიპლომებითა და სპეციალური პრიზებით დაჯილდოვდებიან
ავტორიზირებული საჯარო და კერძო საბავშვო ბაღების სია ცნობილია
პიროვნება
სკოლები
საბა ცაბაძე თავისუფალი უნივერსიტეტის, ხოლო ქრისტინე გოგოლიძე კავკასიის უნივერსიტეტის წარმატებული სტუდენტია
დიდი ჭყონის N2 საჯარო სკოლაში გაზაფხულის დღესასწაულები ემოციური ღონისძიებით აღნიშნეს
მოსწავლეებმა აკუთარი ხელებით შექმნეს ფერადი სამაჯურები, რომელზეც სიმბოლურად გამოხატული იყო ფერადი წინდები
„ძალიან დიდ ყურადღებას ვაქცევთ სხვადასხვა მნიშვნელოვან საკითხთან დაკავშირებით მოსწავლეთა ცნობიერების ამაღლებას“
აქტივობა სპეციალური მასწავლებლის - სარა ბაგდასარიანისა და კლასის დამრიგებლის, მარიამ მაკარიანის ხელმძღვანელობით ჩატარდა
საინტერესო
ამაზე საუბარი, რა თქმა უნდა, კვლევებიდან და მოსწავლეებისა თუ სტუდენტების შედეგებიდან გამომდინარე შეიძლება
საინტერესო შემთხვევაა ე.წ. მომთაბარე სკოლაც, სადაც ბავშვები განათლებას კარვებში იღებენ
სიახლეები
საზოგადოება