ქობულეთის მუნიციპალიტეტის სოფელ აჭყვისთავის საჯარო სკოლის პირველკლასელებმა ანბანის სწავლა საზეიმო გაკვეთილით დაიწყეს.

პატარა მოსწავლეებს პედაგოგმა თემატურად გაფორმებული საკლასო ოთახი დაახვედრა, რითიც ბავშვებმა ძალიან გაიხარეს.

პირველკლასელები საგაკვეთილო პროცესში დიდი ინტერესით ჩაერთნენ.

„პირველი კლასის მოსწავლეებთან განსაკუთრებული საზეიმო განწყობა შეიქმნა და გაკვეთილიც განსაკუთრებით დასამახსოვრებელი გახდა, რადგან შემობრძანდა ასო-ბგერები „ა“ და „ი". ბავშვებმა ისაუბრეს და წაიკითხეს ლექსები დედა ენაზე, ანბანზე, იაზე. პატარები აქტიურად იყვნენ ჩართულები მეტყველებისა და აზროვნების განსავითარებელ აქტივობებში. მადლობა ჩვენს პატარებს და ქალბატონ ნანის სასიამოვნო და მრავალფეროვანი საზეიმო დღისთვის“, - წერია სკოლის დირექციის განცხადებაში.

იხილეთ ფოტოები: