კიევიდან დეპორტირებული ქართველი ოპერატორი უკრაინისა და ევროპის სასამართლოებისთვის მიმართვას აპირებს
20.11.2017
კიევიდან დეპორტირებული, „რუსთავი 2“-ის ოპერატორი თამაზ შავშიშვილი მისი გამოძევების საკითხზე უკრაინისა და ევროპის სასამართლოებისთვის მიმართვას აპირებს.

როგორც შავშიშვილმა განაცხადა, შესაბამის საკითხზე იურისტებთან უკვე მუშაობს.

”უკრაინაში იურისტები უკვე მუშაობენ სამართლებრივ საკითხზე. რაც შეეხება სტრასბურგს, ”რუსთავი 2"-ის იურისტები ჩართულები არიან და აუცილებლად გავასაჩივრებთ. ჩვენ ვასაჩივრებთ დეპორტაციას”, - განაცხადა შავშიშვილმა.

რაც შეეხება მისი საკითხით საქართველოს საგარეო საქმეთა სამინისტროს დაინტერესებას, „რუსთავი 2“-ის ოპერატორის განმარტებით, სახელმწიფო უწყებებიდან, მათ შორის არც საგარეო საქმეთა სამინისტროდან ამ დრომდე არავინ დაკავშირებია.

"რუსთავი 2”-ის კიევის ბიუროს ოპერატორი თამაზ შავშიშვილი უკრაინიდან დეპორტაციის საფუძველზე, საქართველოში წუხელ, ფოთის პორტით ჩამოვიდა. როგორც მან განაცხადა, დაკავებისას სცემეს, თვალები „სკოჩით“ აუხვიეს და ბორნამდე ამ გზით მიიყვანეს. მისივე თქმით, უკრაინამ სამწლიანი დეპორტაცია გაუკეთა, მიუხედავად იმისა, რომ უკრაინაში ცხოვრების ვადა 24 ნოემბრამდე ჰქონდა განსაზღვრული.


კომენტარები


სხვა სიახლეები
ორშ, 18 დეკემბერი 2017
18:57