ბათუმის ქართულ-ამერიკული სკოლა „პროგრესის“ მოსწავლეებთან ფსიქოლოგმა ბულინგის თემაზე ტრენინგ-შეხვედრა გამართა
29-10-2021
დაკოპირებულია
-
+
ქართულ-ამერიკული სკოლა „პროგრესის“ ბათუმის ფილიალში ფსიქოლოგმა მანანა დევაძემ მეშვიდე-მერვეკლასის მოსწავლეებთან ტრენინგ-შეხვედრა გამართა.
შეხვედრის თემა ბულინგი, მისი პრევენცია და აღმოფხვრის გზები იყო.
აღნიშნულ ტრენინგში მოსწავლეები დიდი ინტერესით ჩაერთნენ. ისაუბრეს ბულინგსა და მის მიზეზებზე. შეხვედრის ბოლოს მოსწავლეებს აჩვენეს ვიდეო, რომელშიც ბულინგის სახეები უნდა ამოეცნოთ.
„სკოლა „პროგრესის“ ფსიქოლოგმა, მანანა დევაძემ ჩაატარა ტრენინგ შეხვედრა მე-7-8 კლასის მოსწავლეებთან, თემაზე - „ბულინგი, პრევენცია, ინტერვენცია“. ტრენინგის ფარგლებში ისაუბრეს ბულინგის სახეებზე, გამოხატვის ფორმებზე, მის გამომწვევ მიზეზებსა და აღმოფხვრის ხერხებზე. ტრენინგი დატვირთული იყო თეორიულ მასალასთან ერთად პრაქტიკული ნაწილით, მოსწავლეებმა უყურეს ბულინგის შინაარსის გამომხატველ ვიდეოს, რომელიც შემდგომ განიხილეს, ამოიცნეს ბულინგის სახეები, რომელიც ვიდეოში იყო ნაჩვენები და შეიმუშავეს პრევენციის გეგმები, ასევე შექმნეს სლოგანები ბულინგის წინააღმდეგ, შინაარსით „არა ბულინგს“,- წერია სკოლის მიერ გავრცელებულ ინფორმაციაში.