მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
მარნეულის მუნიციპალიტეტის სოფელ დამიის საჯარო სკოლაში შიდსთან ბრძოლის საერთაშორისო დღე აღნიშნეს.
მოსწავლეებმა ინფორმაციული და შემეცნებითი ხასიათის პრეზენტაციები ჩაატარეს და ვიდეოჩანაწერები წარმოადგინეს.
„1 დეკემბერს, მსოფლიო საზოგადოებასთან ერთად შიდსთან ბრძოლის საერთაშორისო დღე დამიელმა მოწავლეებმაც აღნიშნეს.
მოსწავლეთა მიერ წარმოდგენილი პრეზენტაციები და ვიდეოჩანაწერები შემეცნებით ხასიათს ატარებდა.
გაიმართა ცოცხალი ინტერაქცია მსმენელებთან. დაისვა კითხვები და გაიცა მათზე პასუხები.
მოსწავლეებმა ისაუბრეს რა არის შიდსი, რა სიმპტომები ახასიათებს მას, ვინ ეკუთვნის შიდსის მაღალი რისკის ჯგუფებს, როგორ ხდება ადამიანის ინფიცირების დადგენა, რა გზით ხდება ინფექციის გადაცემა, როგორ შეიძლება შიდსისგან განკურნება და როგორ უნდა დავიცვათ მისგან თავი.
აქტივობას ჰქონდა რამდენიმე მთავარი მიზანი: სასკოლო საზოგადოების ინფორმირებულობა, ცნობიერების დონის ამაღლება და აივინფიცირებულთა მიმართ დისკრიმინაციული დამოკიდებულების შემცირება“, - აღნიშნულია სკოლის მიერ მოწოდებულ ინფორმაციაში.
ღონისძიება ქიმია-ბიოლოგიის პედაგოგის ლუსინე დარბინიანის ხელმძღვანელობით წარიმართა.
იხილეთ ფოტოები: