ირაკლი კობახიძე შვედეთის საერთაშორისო განვითარების სააგენტოს დირექტორს შეხვდა
07.12.2017

საქართველოს პარლამენტის თავმჯდომარე ირაკლი კობახიძე დელეგაციასთან ერთად, შვედეთის საერთაშორისო განვითარების სააგენტოს (SIDA) გენერალურ დირექტორს, კარინ იამტინს შეხვდა. შეხვედრაზე საქართველოში შვედეთის საერთაშორისო განვითარების სააგენტოს მხარდაჭერით განხორციელებულ პროექტებზე, სააგენტოს ძირითად მიმართულებებსა და თანამშრომლობის სამომავლო გეგმებზე ისაუბრეს.

მხარეებმა გარემოს დაცვის მიმართულებით თანამშრომლობის მნიშვნელოვანი საკითხები განიხილეს. კარინ იამტინმა მწვანე ეკონომიკისა და გარემოს დაცვის მიმართულებით, მჭიდრო თანამშრომლობის სურვილი გამოთქვა.

პარლამენტის თავმჯდომარემ სააგენტოს გენერალურ დირექტორს საქართველოში განხორციელებული და მიმდინარე დემოკრატიული რეფორმები გააცნო.



კომენტარები


სხვა სიახლეები
ორშ, 18 დეკემბერი 2017
18:56