ხატიაშვილი ჭკადუას ბრალდებებზე: ''ჩემი სამსახურებრივი მანქანაც კი გავყიდე''
07.12.2017

ადვოკატთა ასოციაციის თავმჯდომარე ზაზა ხატიაშვილი თავმჯდომარეობის კანდიდატის ირმა ჭკადუას ბრალდებებს პასუხობს.

ზაზა ხატიაშვილის თქმით, ის ერთადერთი თავმჯდომარეა, რომელსაც პრემია და დანამატი არ აუღია და სამსახურებრივი მანქანაც კი გაყიდა.

"ერთადერთი თავმჯდომარე ვარ, რომელსაც პრემია და დანამატი არ ამიღია, გავყიდე ჩემი სამსახურებრივი მანქანა და დავდივარ მეტროთი. ხელფასი 30%-ით შევიმცირე. ფინანსური რესურსის უკანონოდ გამოყენებაზე ბრალდება ჩემი მისამართით წინასაარჩევნოდ უნამუსო ცილისწამებაა", - განაცხადა ზაზა ხატიაშვილმა.

ირმა ჭკადუამ დღეს განაცხადა, რომ წინასაარჩევნოდ კანდიდატები არათანაბარ პირობებში იმყოფებიან. ასევე ილაპარაკა ადვოკატთა ასოციაციაში ფინანსების არასწორ განაწილებაზე და თქვა, რომ მივლინებებით მხოლოდ გარკვეული წრეები სარგებლობენ. მისი თქმით, ახლანდელი თავმჯდომარე ზაზა ხატიაშვილი "მემკვიდრის სახით დავით ასათიანის დატოვებას გეგმავს".



კომენტარები


სხვა სიახლეები
ორშ, 18 დეკემბერი 2017
19:01