შალვა თადუმაძე: ''მთავრობა პასუხისმგებლობას და ვალდებულებას იღებს, გარემოს დაცვის ფინანსური უზრუნველყოფა განახორციელოს''
07.12.2017
მთავრობა სრულად იღებს პასუხისმგებლობასა და ვალდებულებას, გარემოს დაცვის ფინანსური უზრუნველყოფა განახორციელოს, - ამის შესახებ მთავრობის საპარლამენტო მდივანმა შალვა თადუმაძემ პარლამენტის რიგგარეშე სხდომაზე განაცხადა, სადაც მთავრობის სტრუქტურულ რეორგანიზაციასთან დაკავშირებული საკანონმდებლო პაკეტის მეორე მოსმენით, მუხლობრივი განხილვა მიმდინარეობს.

რაც შეეხება ევროკავშირთან ასოცირების ხელშეკრულებით ნაკისრ ვალდებულებებს, თადუმაძის თქმით, ამ მიმართულებით აღებული ვალდებულებები ვადებშია განსაზღვრული და ვადების შესაბამისად შესრულდება.

როგორც პარლამენტის რიგგარეშე აღინიშნა, ”გარემოს დაცვის შესახებ“ კანონს ემატება მუხლი, რომლის მიხედვით, სახელმწიფო ბიუჯეტში გარემოსდაცვითი ღონისძიებების დაფინანსებისთვის ცალკე პროგრამული კოდი განისაზღვრება და დაუშვებელია, წლიური ბიუჯეტით განსაზღვრული შესაბამისი პროგრამული კოდებით გათვალისწინებული ასიგნებების ჯამური ოდენობის შემცირება საბიუჯეტო სახსრების ნაწილში, წინა წლის სახელმწიფო ბიუჯეტით განსაზღვრული ასიგნებების ჯამურ ოდენობასთან შედარებით.


კომენტარები


სხვა სიახლეები
ორშ, 18 დეკემბერი 2017
19:01