ახალი სამგორის საჯარო სკოლაში საკლასო ოთახებს რეაბილიტაცია უტარდება
06-12-2021
დაკოპირებულია
-
+
გარდაბნის მუნიციპალიტეტის სოფელ ახალი სამგორის საჯარო სკოლის მეორე სართულზე განთავსებულ საკლასო ოთახებს სარეაბილიტაციო სამუშაოები უტარდება.
სკოლამ საგრანტო კონკურსში დაფინანსება მოიპოვა და აღნიშნულ სასიამოვნო სიახლესთან დაკავშირებით დეტალური ინფორმაციას სკოლა თავად ავრცელებს:
„ჩვენს სკოლაში კვლავაც სასიამოვნო სიახლეა. კვლავ მშვენდება და ლამაზდება საკლასო ოთახები. სკოლამ წელსაც მიიღო მონაწილეობა კონსულტაციისა და ტრენინგის ცენტრი - CTC -ის მიერ გამოცხადებულ საგრანტო კონკურსში და მიღებული გრანტითა და სკოლის თანადაფინანსებით გარემონტდა სკოლის მეორე სართულზე არსებული საკლასო ოთახები. გვაქვს არაჩვეულებრივად ლამაზი სივრცე: სასიამოვნო ნათელი ფერებით შეღებილი კედლები, თანამედროვე განათებები, კომფორტული იატაკი. მადლობა ადგილობრივ თემს, სოფლის მოსახლეობას, რომელმაც ნდობა გამოგვიცხადა, მონაწილეობა მიგვეღო საგრანტო კონკურსში. მადლობა CDI 6- ის პროექტის მენეჯერს, ქალბატონ მაკა პაპუკაშვილს, ბატონ ჯონდო კვიტიასა და კომპანია bp-ის გაწეული შრომისა და თანამშრომლობისათვის; მადლობა მათ ბავშვების სიხარულით ანთებული თვალებისთვის“, - აღნიშნულია სკოლის დირექციის განცხადებაში.