მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
2022 წელს მსჯავრდებული სტუიდენტებისთვის ციფრული უნივერსიტეტიდაარსდება. ამის შესახებ ცნობილი ჯერ კიდევ გასული წლის აგვისტოში გახდა, როდესაც იუსტიციის მინისტრმა რატი ბრეგაძემ სამინისტროს 10 წლიანი გეგმის პრეზენტაციაზე განაცხადა.
მაშინ იუსტიციის მინისტრმა განაცხდა, რომ ციფრული უნივერსიტეტი ფუნქციონირებას სექტემბრიდან დაიწყებდა, თუმცა როგორც აღმოჩნდა ვადამ გადაიწია.
დეკემბერში, პარლამენტში მინისტრის საათის ფარგლებში მისულმა რატი ბრეგაძემ სასჯელაღსრულების დაწესებულებებში უმაღლესი განათლების ხელმისაწვდომობის გაზრდისა და ხარისხის ასამაღლებლად განხორციელებული რეფორმების შესახებ განცხადება გააკეთა.
„უნივერსიტეტებთან თანამშრომლობით, პროექტი მსჯავრდებულებს მისცემს შესაძლებლობას, მიიღონ სრულფასოვანი უმაღლესი განათლება დისტანციური სწავლების მეთოდით და დაეუფლონ მათთვის სასურველ პროფესიას. სასჯელის მიზანია სამართლიანობის აღდგენა, ახალი დანაშაულის თავიდან აცილება და დამნაშავის რესოციალიზაცია. ეს დიდწილად მსჯავრდებულის მიერ სათანადო გააზრებითა და ცოდნით მიიღწევა", – განაცხადა რატი ბრეგაძემ.
ციფრული უნივერსიტეტი მსჯავრდებულ სტუდენტებს ინდივიდუალურად მეცადინეობის შესაძლებლობას მისცემს. მათ შეეძლებათ, დაესწრონ ონლაინ ლექციებს და ჰქონდეთ ინტერაქტიული კომუნიკაცია ლექტორებთან.