შობის ღამეს ალილოთი მილოცვის ტრადიციას მრავალწლოვანი ისტორია აქვს, რომელიც სოფლებში, სამწუხაროდ, თითქმის მივიწყებულია. გიორგი მებონიას სახელობის წალენჯიხის მუნიციპალიტეტის ობუჯის თემის N1 საჯარო სკოლის მე-11 კლასის მოსწავლეებმა ალილოს მრავალწლოვანი ტრადიციის გაცოცხლება გადაწვიტეს. 

სკოლის მიერ გავრცელებული ინფორმაციის მიხედვით, ამ ტრადიციის აღდგენას მეტად კეთილშობილური მიზანიც ჰქონდა.
მოსწავლეებმა შეგროვილი თანხით ნაყიდი და საჩუქრად მიღებული სურსათ-სანოვაგე საშობაო საჩუქრებად ინკოგნიტოდ დაუტოვეს სოფელში მცხოვრებ სოციალურად დაუცველ რამდენიმე ოჯახს.

მოსწავლეებისთვის ალილოში მონაწილეობა მეტად დასამახსოვრებელი მოვლენა იყო. ბავშვები ღონისძიებაში დიდი ხალისითა და მონდომებით ჩაერთნენ.