მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
„დელტაკრონი“ - ასე უწოდეს Covid-19-ის ახალ შტამს, რომელიც კვიპროსში აღმოაჩინეს. ეს შტამი „დელტასა“ და „ომიკრონს“ აერთიანებს.
რაც „დელტაკრონის“ შესახებ ვიცით, არის ის, რომ მას 10 ტიპის მუტაცია აქვს, რომელიც ჯერჯერობით მხოლოდ „ომიკრონში“ იყო გამოვლენილი, მაგრამ მსგავსი „გენეტიკური საფუძველი“ „დელტა“ შტამსაც აქვს.
ახალი შტამი კვიპროსელმა მეცნიერებმა აღმოაჩინეს, სახელიც სწორედ მათ უწოდეს. ამ დროისთვის, მისი 25 შემთხვევა დაფიქსირდა. ჯერჯერობით უცნობია „დელტაკრონი“ რამდენად ძლიერი შტამია, როგორია მისი გავრცელების სისწრაფე და ინფიცირების შემთხვევაში რამდენად საშიშია ჯანმრთელობისათვის.
კვიპროსის უნივერსიტეტის ბიოლოგიურ მეცნიერებათა პროფესორმა და ბიოტექნოლოგიისა და მოლეკულური ვირუსოლოგიის ლაბორატორიის ხელმძღვანელმა ლეონდიოს კოსტრიკისმა განაცხადა, რომ ჯერჯერობით ნაადრევია იმაზე საუბარი, თუ რამდენად გადამდებია ახალი ვარიანტი.