ოზურგეთის მუნიციპალიტეტის სოფელ კვირიკეთის საჯარო სკოლის მოსწავლეებს საახალწლო საჩუქრები გადეცათ. 

მათ საჩუქრები ემიგრაციაში მყოფმა ადამიანმა გამოუგზავნა, რომელმაც თავისი ვინაობის გამჟღავნება არ ისურვა.

მოსწავლეები სიურპრიზმა ძალიან გაახარა და საახალწლო განწყობა შეუქმნა. 

სკოლა მადლობას უხდის „საიდუმლო სანტას“ და ყველას ბედნიერ 2022 წელს უსურვებს.

„ჩვენს სკოლაში წელს უჩვეულოდ „საიდუმლო სანტა“ ძალიან შორი გზიდან მოვიდა და თითოეულ ჩვენთაგანს ის სითბო და სიყვარული უწილადა, რაც მას სამშობლოდან მოშორებით მცხოვრებს აკლია. 

მადლობა ჩვენს „სანტას“, რომელიც ემიგრაციაში იმყოფება და ზრუნავს სხვების სიხარულზე. გისურვებთ სამშობლოში მალე დაბრუნებას და ბედნიერ და სასიამოვნო სიურპრიზებით სავსე ცხოვრებას. ბედნიერების, სიხარულის, ჯანმრთელობისა და წარმატებების მომტანი იყოს თქვენთვის ეს ახალი წელი. 

ის მართლაც საიდუმლოა და ქველმოქმედია, მისი არც სახელი ვიცით და არც ქვეყანა სადაც ამჟამად ცხოვრობს“,- აღნიშნულია სკოლის მიერ მოწოდებულ ინფორმაციაში.

იხილეთ ფოტოები: